ഭാഗം 1
പീഡനശ്രമത്തിനിരയായ പെണ്‍കുട്ടി..
പീഡനശ്രമത്തിനിരയായ പെണ്‍കുട്ടി..
അന്ന് പതിവിലും വൈകിയാണ് അവള്‍ക്കു ഡ്യൂട്ടി കഴിഞ്ഞു ഇറങ്ങാന്‍ പറ്റിയത്. ഇനിയിപ്പോ ഒരു ഓട്ടോ കിട്ടാന്‍ പോലും വല്യ പാടായിരിക്കും. അവള്‍ വീട്ടിലെത്തിയിട്ടു വേണം കുഞ്ഞിനെ പാല് കൊടുത്തു ഉറക്കാന്‍. അതോര്‍ത്തപ്പോള്‍ പെട്ടെന്ന് വീട്ടിലെത്താന്‍ അവളുടെ മാതൃഹൃദയം വെമ്പി.
വാതില്‍ക്കലെ പാര്‍ക്കിങ്ങില്‍ തന്നെ സെക്യൂരിറ്റി ചേട്ടന്‍ നില്‍പ്പുണ്ട്. "ഇനിയിപ്പോ ഓട്ടോ വല്ലോം കിട്ടണമെങ്കില്‍ വല്യ പാടായിരിക്കുമല്ലോ കൊച്ചെ" പുള്ളി ചോദിച്ചു.
അവള്‍ പറഞ്ഞു "ഏതേലും പെഷ്യന്റിനേം കൊണ്ട് വരുന്ന ഓട്ടോ വല്ലതും കിട്ടാതിരിക്കില്ല"
അല്‍പനേരം കഴിഞ്ഞപ്പോഴേക്കും ഒരു ഓട്ടോ വരുന്നത് കണ്ടു. ഭാഗ്യം. കാലിയാണ്. ഏതോ രോഗികളെയും കൊണ്ട് വന്നിട്ട് തിരിച്ചു പോകുന്ന വഴിയാണെന്ന് തോന്നുന്നു. അവള്‍ കൈ കാണിച്ചു.
"പരിചയമില്ലാത്ത ഓട്ടോയില്‍ പോകണോ കൊച്ചെ" പുറകില്‍ നിന്ന് സെക്യൂരിറ്റി ചേട്ടന്‍ ചോദിക്കുന്നു.
"ഇനീം ലേറ്റ് ആയാല്‍ ശരിയാകത്തില്ല ചേട്ടാ" എന്നും പറഞ്ഞു അവള്‍ ഓട്ടോയില്‍ കയറി.
റോഡ്‌ വിജനമാണ്. വല്ലപ്പോഴും വല്ല വാഹനങ്ങളും കടന്നു പോകുന്നുണ്ട്. വഴി വിളക്കുകള്‍ പ്രകാശിക്കാത്തത് കൊണ്ട് ആകെ ഒരു ഭീകരാന്തരീക്ഷം. അവള്‍ക്കു പേടി ആയി തുടങ്ങി. സെക്യൂരിറ്റി ചേട്ടന്റെ വാക്കുകള്‍ അവളുടെ മനസ്സില്‍ മുഴങ്ങി. പരിചയമില്ലാത്ത ആളുടെ ഓട്ടോയില്‍ കയറിയത് തെറ്റായി പോയി എന്ന് അവള്‍ക്കു തോന്നി.
വാഹനങ്ങള്‍ കടന്നു പോകുന്ന വെളിച്ചത്തില്‍ അവള്‍ കണ്ടു. ഡ്രൈവര്‍ കണ്ണാടിയിലൂടെ തന്നെ നോക്കുന്നു. ആ നോട്ടത്തില്‍ അവള്‍ക്കു എന്തോ പന്തികേട്‌ തോന്നി.
വീടെത്താന്‍ ഇനി 5 -10 മിനിറ്റ് കൂടിയേയുള്ളൂ.. ഡ്രൈവറുടെ ഓരോ ചലനത്തിലും എന്തോ പന്തികേടുണ്ട്. പെട്ടെന്ന് അവള്‍ക്കു ഒരു ബുദ്ധി തോന്നി. അവള്‍ ബാഗില്‍ നിന്ന് മൊബൈല്‍ ഫോണ്‍ എടുത്തു അമ്മയുടെ നമ്പര്‍ ഡയല്‍ ചെയ്തു.
"അമ്മ പെട്ടെന്ന് റോഡിലേക്ക് ഇറങ്ങി വാ. ഞാന്‍ 5 മിനിറ്റിനകം എത്തും " അവള്‍ പറഞ്ഞു.
അമ്മ പറഞ്ഞു "നീ വരുമ്പോഴേക്കും ഞാന്‍ റോഡില്‍ കണ്ടേക്കാം"
അവള്‍ പറഞ്ഞു "ഞാന്‍ പരിചയമില്ലാത്ത ഒരാള്‍ടെ ഓട്ടോയിലാണ് വരുന്നത്, അതാ പറഞ്ഞത്."
അവള്‍ ദൂരെ നിന്ന് നോക്കി, അമ്മയെ റോഡില്‍ കാണുന്നില്ല. ഇറങ്ങേണ്ട സ്ഥലം ആയി. ഓട്ടോ നിര്‍ത്തുന്നില്ല.. അവള്‍ അലറി "നിര്‍ത്തു........."
ഓട്ടോക്ക് സ്പീഡ് കൂടുന്നു. അവള്‍ പിന്നെ ഒന്നും ആലോചിച്ചില്ല. പുറത്തു റോഡിലേക്ക് എടുത്തു ചാടി.
പാതി മറഞ്ഞ ബോധത്തില്‍ അവള്‍ കണ്ടു. ഓട്ടോ അല്പം ദൂരെ നിര്‍ത്തുന്നു. ഡ്രൈവര്‍ പുറത്തിറങ്ങി തന്റെ നേരെ വരുന്നു. അവളുടെ കണ്ണുകള്‍ അടഞ്ഞു.
ഭാഗം 2
കുറ്റാരോപിതന്‍
നൈറ്റ്‌ ഡ്യൂട്ടിക്ക് ഭാര്യയെ അവളുടെ ഡ്യൂട്ടി വാര്‍ഡിന്റെ മുന്‍പില്‍ ഇറക്കിയിട്ട്‌ ഓട്ടോ മുന്‍പോട്ടെടുത്തു അല്പം ചെന്നപ്പോഴാണ് ഒരു പെണ്‍കുട്ടി കൈ കാണിക്കുന്നത്. നിര്‍ത്തണോ അതോ പോണോ?. നിര്‍ത്തിയാല്‍ പണിയാകും. താന്‍ പോകുന്ന വഴിക്ക് വല്ലതും ഇറങ്ങാന്‍ ആണെങ്കില്‍ കുഴപ്പമില്ല. പിന്നെ ഓര്‍ത്തു, പാവം ഡ്യൂട്ടി കഴിഞ്ഞു പോകുന്ന നേഴ്സ് ആണെന്ന് തോന്നുന്നു. ഇനി വേറെ ഓട്ടോ ഒന്നും വന്നില്ലെങ്കില്‍ എന്ത് ചെയ്യും. എന്തായാലും വണ്ടി നിര്‍ത്തി. അവള്‍ പോകേണ്ട സ്ഥലം പറഞ്ഞു. ഭാഗ്യം പോകുന്ന വഴിക്ക് തന്നെ. അല്പം ദൂരം ഉള്ളില്‍ പോകണമെന്ന് മാത്രം. സാരമില്ല. 10 മിനിറ്റ് കൂടുതല്‍ ആകും എന്നേയുള്ളൂ.
കണ്ണാടിയിലൂടെ നോക്കിയപ്പോള്‍ കണ്ടു. പെണ്‍കുട്ടി ആകപ്പാടെ ടെന്‍ഷനില്‍ ആണ്. തെരുതെരെ വാച്ചില്‍ നോക്കുന്നു, മുഖം തുടക്കുന്നു, ആകപ്പാടെ അസ്വസ്ഥയാണ്. എന്തെലുമാകട്ടെ.. വീട്ടില്‍ എന്തേലും പ്രശ്നം കാണുമായിരിക്കും. എല്ലാവര്‍ക്കും പ്രശ്നങ്ങള്‍ ഉണ്ടല്ലോ. ഉദാഹരണത്തിന് താന്‍ തന്നെ എന്തുമാത്രം പ്രശ്നങ്ങളെ നേരിട്ടാണ് ഒരു കല്യണം കഴിച്ചത്. മതം ആയിരുന്നു പ്രശ്നം. പിന്നെ പെണ്ണിന് ജോലി ഉള്ളതുകാരണം ഒരുവിധത്തില്‍ ഇരുകൂട്ടരും തമ്മില്‍ ഒടുവില്‍ തങ്ങളുടെ ഇഷ്ടത്തിന് സമ്മതം മൂലെണ്ടി വന്നു.
ഇന്നിപ്പോള്‍ അവള്‍ക്കു നൈറ്റ്‌ ഡ്യൂട്ടി ഇല്ലായിരുന്നെങ്കില്‍ ഇപ്പൊ സുഖമായി കിടന്നു ഉറക്കം പിടിക്കേണ്ട നേരമായി.
വീണ്ടും കണ്ണാടിയിലൂടെ നോക്കി. പെണ്‍കുട്ടി ഇപ്പോഴും എന്തോ കടുത്ത മാനസിക പിരിമുറുക്കത്തില്‍ ആണെന്ന് വ്യക്തം.
അവള്‍ ഫോണെടുത്തു ഡയല്‍ ചെയ്യുന്നു "അമ്മ പെട്ടെന്ന് റോഡിലേക്ക് ഇറങ്ങി വാ. ഞാന്‍ 5 മിനിറ്റിനകം എത്തും"
അമ്മ എന്തോ മറുപടി പറഞ്ഞപ്പോള്‍ അവള്‍ പറയുന്നു " "ഞാന്‍ പരിചയമില്ലാത്ത ഒരാള്‍ടെ ഓട്ടോയിലാണ് വരുന്നത്, അതാ പറഞ്ഞത്."
അത് ശരി. അമ്മ ചോദിച്ചു കാണും ആരുടെ വണ്ടിക്കാ വരുന്നതെന്ന്.
അല്പദൂരം കൂടി മുന്‍പോട്ടു പോയി. പുറകില്‍ നിന്ന് ഒരലര്‍ച്ച "നിര്‍ത്ത് ......."
പെട്ടെന്നായാതുകൊണ്ട് പേടിച്ചു പോയി. സ്ഥലം കഴിഞ്ഞെന്നു തോന്നുന്നു. ശെടാ.. എന്നാപ്പിന്നെ ഇവള്‍ക്ക് അല്പം നേരത്തെ നിര്‍ത്താന്‍ പറയാന്‍ മേലെ, എന്നാലോചിച്ചു കൊണ്ട് നിര്‍ത്താന്‍ തുടങ്ങിയപ്പോഴേക്കും പുറകിലിരുന്ന പെണ്‍കുട്ടി റോഡിലേക്ക് ചാടിക്കഴിഞ്ഞിരുന്നു. അയാളും ആകെ വിരണ്ടുപോയി. അല്പം കൂടി മുന്‍പോട്ടു പോയാണ് ഓട്ടോ നിന്നത്. പെട്ടെന്ന് ഇറങ്ങി അവളുടെ അടുത്തേക്ക് നീങ്ങി. അപ്പോള്‍ കണ്ടു ടോര്‍ച്ചുമായി ഒരു സ്ത്രീ അലറി വിളിച്ച് ഓടി വരുന്നു. വേറെയും ആരൊക്കെയോ വരുന്നത് പോലെ തോന്നുന്നു. ഇനി ഇവിടെ നില്‍ക്കുന്നത് പന്തിയല്ല. അപകടം എങ്ങനെ ഉണ്ടായാലും ആള്‍ക്കാര്‍ കൈ വെക്കുന്നത് ഡ്രൈവറെ ആയിരിക്കും എന്നത് ഒരു നാട്ടു നടപ്പാണല്ലോ. ഒന്നും നോക്കിയില്ല, തിരികെ ഓടിച്ചെന്നു ഓട്ടോയില്‍ കയറി ഫുള്‍ സ്പീഡില്‍ സ്ഥലം കാലിയാക്കി.
പെണ്‍കുട്ടിക്ക് വല്ലതും പറ്റി കാണുമോ എന്തോ? ഇനി 2 ദിവസത്തേക്ക് ഓട്ടോയുമായി പുറത്ത് ഇറങ്ങണ്ട .
ദൈവമേ ഒന്നും സംഭവിക്കരുതേ. അവന്‍ യാത്രക്കിടയില്‍ പ്രാര്‍ത്ഥിച്ചു.
ഭാഗം 3
ചാനലുകാരന്‍
രാത്രി 12 മണി. ഒരു പ്രധാന ചാനല്‍ ഓഫീസിലേക്ക് ഒരു ഫോണ്‍ വന്നു. "ഒരു പെണ്‍കുട്ടി ഓട്ടോയില്‍ നിന്ന് വീണു ഗുരുതരമായി പരിക്കേറ്റ് ആശുപത്രിയിലാണ്" ഫോണ്‍ ചെയ്തയാള്‍ പറഞ്ഞ വേറെ വിവരങ്ങള്‍ ഇവയാണ്;
ഓട്ടോയില്‍ നിന്ന് പെണ്‍കുട്ടി ചാടിയതാണ്.
ആള്‍ക്കാരെ കണ്ടപ്പോള്‍ ഓട്ടോ ഡ്രൈവര്‍ രക്ഷപെട്ടു.
ചാനലുകാര്‍ ഉറപ്പിച്ചു.. പീഡനശ്രമം തന്നെ.. സംശയമില്ല. സാമൂഹിക മൂല്യച്യുതികള്‍ക്കെതിരെ പടവാളുയര്‍ത്തുന്ന ചാനലുകാരെല്ലാം ഉഷാറായി.
ബ്രേക്കിംഗ് ന്യൂസ്‌
"യുവതിയെ ഓട്ടോയില്‍ പീഡിപ്പിക്കാന്‍ ശ്രമം.. പീഡന ശ്രമത്തിനിടയില്‍ യുവതിക്ക് ഗുരുതര പരിക്ക്"
ഈ വാര്‍ത്തയുടെ വാണിജ്യമൂല്യം തീരുന്നതിനു മുന്‍പ് ചാനലുകളിലെ കുറ്റാന്വേഷണ പരിപാടികളില്‍ എല്ലാത്തിലും നിറഞ്ഞ, അവതാരകന്റെ പൊടിപ്പും തോങ്ങലും മസാലയും ചേര്‍ത്ത പീടനകഥ കേരളത്തിലെ അഭ്യസ്തവിദ്യര്‍ അത്താഴത്തിന്റെ കൂടെ വെള്ളം ചേര്‍ക്കാതെ വിഴുങ്ങി.
ചുരുക്കത്തില്‍ ചാനലുകാര്‍ ഒരു യുവതിയെ പീഡനശ്രമത്തിനിരയാക്കി. ഒരു യുവാവിനെ കൊന്നു.
"പരിചയമില്ലാത്ത ഓട്ടോയില്‍ പോകണോ കൊച്ചെ" പുറകില്‍ നിന്ന് സെക്യൂരിറ്റി ചേട്ടന്‍ ചോദിക്കുന്നു.
"ഇനീം ലേറ്റ് ആയാല്‍ ശരിയാകത്തില്ല ചേട്ടാ" എന്നും പറഞ്ഞു അവള്‍ ഓട്ടോയില്‍ കയറി.
റോഡ്‌ വിജനമാണ്. വല്ലപ്പോഴും വല്ല വാഹനങ്ങളും കടന്നു പോകുന്നുണ്ട്. വഴി വിളക്കുകള്‍ പ്രകാശിക്കാത്തത് കൊണ്ട് ആകെ ഒരു ഭീകരാന്തരീക്ഷം. അവള്‍ക്കു പേടി ആയി തുടങ്ങി. സെക്യൂരിറ്റി ചേട്ടന്റെ വാക്കുകള്‍ അവളുടെ മനസ്സില്‍ മുഴങ്ങി. പരിചയമില്ലാത്ത ആളുടെ ഓട്ടോയില്‍ കയറിയത് തെറ്റായി പോയി എന്ന് അവള്‍ക്കു തോന്നി.
വാഹനങ്ങള്‍ കടന്നു പോകുന്ന വെളിച്ചത്തില്‍ അവള്‍ കണ്ടു. ഡ്രൈവര്‍ കണ്ണാടിയിലൂടെ തന്നെ നോക്കുന്നു. ആ നോട്ടത്തില്‍ അവള്‍ക്കു എന്തോ പന്തികേട്‌ തോന്നി.
വീടെത്താന്‍ ഇനി 5 -10 മിനിറ്റ് കൂടിയേയുള്ളൂ.. ഡ്രൈവറുടെ ഓരോ ചലനത്തിലും എന്തോ പന്തികേടുണ്ട്. പെട്ടെന്ന് അവള്‍ക്കു ഒരു ബുദ്ധി തോന്നി. അവള്‍ ബാഗില്‍ നിന്ന് മൊബൈല്‍ ഫോണ്‍ എടുത്തു അമ്മയുടെ നമ്പര്‍ ഡയല്‍ ചെയ്തു.
"അമ്മ പെട്ടെന്ന് റോഡിലേക്ക് ഇറങ്ങി വാ. ഞാന്‍ 5 മിനിറ്റിനകം എത്തും " അവള്‍ പറഞ്ഞു.
അമ്മ പറഞ്ഞു "നീ വരുമ്പോഴേക്കും ഞാന്‍ റോഡില്‍ കണ്ടേക്കാം"
അവള്‍ പറഞ്ഞു "ഞാന്‍ പരിചയമില്ലാത്ത ഒരാള്‍ടെ ഓട്ടോയിലാണ് വരുന്നത്, അതാ പറഞ്ഞത്."
അവള്‍ ദൂരെ നിന്ന് നോക്കി, അമ്മയെ റോഡില്‍ കാണുന്നില്ല. ഇറങ്ങേണ്ട സ്ഥലം ആയി. ഓട്ടോ നിര്‍ത്തുന്നില്ല.. അവള്‍ അലറി "നിര്‍ത്തു........."
ഓട്ടോക്ക് സ്പീഡ് കൂടുന്നു. അവള്‍ പിന്നെ ഒന്നും ആലോചിച്ചില്ല. പുറത്തു റോഡിലേക്ക് എടുത്തു ചാടി.
പാതി മറഞ്ഞ ബോധത്തില്‍ അവള്‍ കണ്ടു. ഓട്ടോ അല്പം ദൂരെ നിര്‍ത്തുന്നു. ഡ്രൈവര്‍ പുറത്തിറങ്ങി തന്റെ നേരെ വരുന്നു. അവളുടെ കണ്ണുകള്‍ അടഞ്ഞു.
ഭാഗം 2
കുറ്റാരോപിതന്‍
നൈറ്റ്‌ ഡ്യൂട്ടിക്ക് ഭാര്യയെ അവളുടെ ഡ്യൂട്ടി വാര്‍ഡിന്റെ മുന്‍പില്‍ ഇറക്കിയിട്ട്‌ ഓട്ടോ മുന്‍പോട്ടെടുത്തു അല്പം ചെന്നപ്പോഴാണ് ഒരു പെണ്‍കുട്ടി കൈ കാണിക്കുന്നത്. നിര്‍ത്തണോ അതോ പോണോ?. നിര്‍ത്തിയാല്‍ പണിയാകും. താന്‍ പോകുന്ന വഴിക്ക് വല്ലതും ഇറങ്ങാന്‍ ആണെങ്കില്‍ കുഴപ്പമില്ല. പിന്നെ ഓര്‍ത്തു, പാവം ഡ്യൂട്ടി കഴിഞ്ഞു പോകുന്ന നേഴ്സ് ആണെന്ന് തോന്നുന്നു. ഇനി വേറെ ഓട്ടോ ഒന്നും വന്നില്ലെങ്കില്‍ എന്ത് ചെയ്യും. എന്തായാലും വണ്ടി നിര്‍ത്തി. അവള്‍ പോകേണ്ട സ്ഥലം പറഞ്ഞു. ഭാഗ്യം പോകുന്ന വഴിക്ക് തന്നെ. അല്പം ദൂരം ഉള്ളില്‍ പോകണമെന്ന് മാത്രം. സാരമില്ല. 10 മിനിറ്റ് കൂടുതല്‍ ആകും എന്നേയുള്ളൂ.
കണ്ണാടിയിലൂടെ നോക്കിയപ്പോള്‍ കണ്ടു. പെണ്‍കുട്ടി ആകപ്പാടെ ടെന്‍ഷനില്‍ ആണ്. തെരുതെരെ വാച്ചില്‍ നോക്കുന്നു, മുഖം തുടക്കുന്നു, ആകപ്പാടെ അസ്വസ്ഥയാണ്. എന്തെലുമാകട്ടെ.. വീട്ടില്‍ എന്തേലും പ്രശ്നം കാണുമായിരിക്കും. എല്ലാവര്‍ക്കും പ്രശ്നങ്ങള്‍ ഉണ്ടല്ലോ. ഉദാഹരണത്തിന് താന്‍ തന്നെ എന്തുമാത്രം പ്രശ്നങ്ങളെ നേരിട്ടാണ് ഒരു കല്യണം കഴിച്ചത്. മതം ആയിരുന്നു പ്രശ്നം. പിന്നെ പെണ്ണിന് ജോലി ഉള്ളതുകാരണം ഒരുവിധത്തില്‍ ഇരുകൂട്ടരും തമ്മില്‍ ഒടുവില്‍ തങ്ങളുടെ ഇഷ്ടത്തിന് സമ്മതം മൂലെണ്ടി വന്നു.
ഇന്നിപ്പോള്‍ അവള്‍ക്കു നൈറ്റ്‌ ഡ്യൂട്ടി ഇല്ലായിരുന്നെങ്കില്‍ ഇപ്പൊ സുഖമായി കിടന്നു ഉറക്കം പിടിക്കേണ്ട നേരമായി.
വീണ്ടും കണ്ണാടിയിലൂടെ നോക്കി. പെണ്‍കുട്ടി ഇപ്പോഴും എന്തോ കടുത്ത മാനസിക പിരിമുറുക്കത്തില്‍ ആണെന്ന് വ്യക്തം.
അവള്‍ ഫോണെടുത്തു ഡയല്‍ ചെയ്യുന്നു "അമ്മ പെട്ടെന്ന് റോഡിലേക്ക് ഇറങ്ങി വാ. ഞാന്‍ 5 മിനിറ്റിനകം എത്തും"
അമ്മ എന്തോ മറുപടി പറഞ്ഞപ്പോള്‍ അവള്‍ പറയുന്നു " "ഞാന്‍ പരിചയമില്ലാത്ത ഒരാള്‍ടെ ഓട്ടോയിലാണ് വരുന്നത്, അതാ പറഞ്ഞത്."
അത് ശരി. അമ്മ ചോദിച്ചു കാണും ആരുടെ വണ്ടിക്കാ വരുന്നതെന്ന്.
അല്പദൂരം കൂടി മുന്‍പോട്ടു പോയി. പുറകില്‍ നിന്ന് ഒരലര്‍ച്ച "നിര്‍ത്ത് ......."
പെട്ടെന്നായാതുകൊണ്ട് പേടിച്ചു പോയി. സ്ഥലം കഴിഞ്ഞെന്നു തോന്നുന്നു. ശെടാ.. എന്നാപ്പിന്നെ ഇവള്‍ക്ക് അല്പം നേരത്തെ നിര്‍ത്താന്‍ പറയാന്‍ മേലെ, എന്നാലോചിച്ചു കൊണ്ട് നിര്‍ത്താന്‍ തുടങ്ങിയപ്പോഴേക്കും പുറകിലിരുന്ന പെണ്‍കുട്ടി റോഡിലേക്ക് ചാടിക്കഴിഞ്ഞിരുന്നു. അയാളും ആകെ വിരണ്ടുപോയി. അല്പം കൂടി മുന്‍പോട്ടു പോയാണ് ഓട്ടോ നിന്നത്. പെട്ടെന്ന് ഇറങ്ങി അവളുടെ അടുത്തേക്ക് നീങ്ങി. അപ്പോള്‍ കണ്ടു ടോര്‍ച്ചുമായി ഒരു സ്ത്രീ അലറി വിളിച്ച് ഓടി വരുന്നു. വേറെയും ആരൊക്കെയോ വരുന്നത് പോലെ തോന്നുന്നു. ഇനി ഇവിടെ നില്‍ക്കുന്നത് പന്തിയല്ല. അപകടം എങ്ങനെ ഉണ്ടായാലും ആള്‍ക്കാര്‍ കൈ വെക്കുന്നത് ഡ്രൈവറെ ആയിരിക്കും എന്നത് ഒരു നാട്ടു നടപ്പാണല്ലോ. ഒന്നും നോക്കിയില്ല, തിരികെ ഓടിച്ചെന്നു ഓട്ടോയില്‍ കയറി ഫുള്‍ സ്പീഡില്‍ സ്ഥലം കാലിയാക്കി.
പെണ്‍കുട്ടിക്ക് വല്ലതും പറ്റി കാണുമോ എന്തോ? ഇനി 2 ദിവസത്തേക്ക് ഓട്ടോയുമായി പുറത്ത് ഇറങ്ങണ്ട .
ദൈവമേ ഒന്നും സംഭവിക്കരുതേ. അവന്‍ യാത്രക്കിടയില്‍ പ്രാര്‍ത്ഥിച്ചു.
ഭാഗം 3
ചാനലുകാരന്‍
രാത്രി 12 മണി. ഒരു പ്രധാന ചാനല്‍ ഓഫീസിലേക്ക് ഒരു ഫോണ്‍ വന്നു. "ഒരു പെണ്‍കുട്ടി ഓട്ടോയില്‍ നിന്ന് വീണു ഗുരുതരമായി പരിക്കേറ്റ് ആശുപത്രിയിലാണ്" ഫോണ്‍ ചെയ്തയാള്‍ പറഞ്ഞ വേറെ വിവരങ്ങള്‍ ഇവയാണ്;
ഓട്ടോയില്‍ നിന്ന് പെണ്‍കുട്ടി ചാടിയതാണ്.
ആള്‍ക്കാരെ കണ്ടപ്പോള്‍ ഓട്ടോ ഡ്രൈവര്‍ രക്ഷപെട്ടു.
ചാനലുകാര്‍ ഉറപ്പിച്ചു.. പീഡനശ്രമം തന്നെ.. സംശയമില്ല. സാമൂഹിക മൂല്യച്യുതികള്‍ക്കെതിരെ പടവാളുയര്‍ത്തുന്ന ചാനലുകാരെല്ലാം ഉഷാറായി.
ബ്രേക്കിംഗ് ന്യൂസ്‌
"യുവതിയെ ഓട്ടോയില്‍ പീഡിപ്പിക്കാന്‍ ശ്രമം.. പീഡന ശ്രമത്തിനിടയില്‍ യുവതിക്ക് ഗുരുതര പരിക്ക്"
ഈ വാര്‍ത്തയുടെ വാണിജ്യമൂല്യം തീരുന്നതിനു മുന്‍പ് ചാനലുകളിലെ കുറ്റാന്വേഷണ പരിപാടികളില്‍ എല്ലാത്തിലും നിറഞ്ഞ, അവതാരകന്റെ പൊടിപ്പും തോങ്ങലും മസാലയും ചേര്‍ത്ത പീടനകഥ കേരളത്തിലെ അഭ്യസ്തവിദ്യര്‍ അത്താഴത്തിന്റെ കൂടെ വെള്ളം ചേര്‍ക്കാതെ വിഴുങ്ങി.
ചുരുക്കത്തില്‍ ചാനലുകാര്‍ ഒരു യുവതിയെ പീഡനശ്രമത്തിനിരയാക്കി. ഒരു യുവാവിനെ കൊന്നു.
1 അഭിപ്രായ(ങ്ങള്‍):
ഈ ബ്ലോഗ്‌ വായിച്ചുണ്ടാകുന്ന യാതൊരു വിധ പ്രത്യഘാതങ്ങള്‍ക്കും കുട്ടിച്ചന്‍ ഉത്തരവാദി ആയിരിക്കില്ല.ഽ////////////
ഈ കഥ വായിച്ചപ്പോളും അങ്ങനെ തോന്നി.
ഒരു അഭിപ്രായം പോസ്റ്റ് ചെയ്യൂ